മകള്‍ /നസീര്‍ കടിക്കാട്

അബബീല്‍ പക്ഷിയുടെ ചിറക് തേടി മണല്‍ വകഞ്ഞുവകഞ്ഞ് മലകള്‍ മറിച്ചുമറിച്ച് മേഘങ്ങള്‍ നിവര്‍ത്തി നിവര്‍ത്തി പോകുമ്പോള്‍ കറുത്തുപോയ മണ്ണിന്റെ മുടിയിഴകള്‍‌ക്കിടയില്‍ സൂര്യന്റെ ചോര പെണ്‍‌കുഞ്ഞുങ്ങളെ പെറ്റുകൂട്ടുന്നുണ്ട് പര്‍വ്വതങ്ങളുടെ ബലിഷ്ഠപേശികളിലും ശരീരവടിവുകളിലും കാറ്റിന്റെ കൊടും‌കാടുകള്‍ പെണ്‍‌കുഞ്ഞുങ്ങളെ ദത്തെടുത്ത് വളര്‍ത്തുന്നുണ്ട് മേഘങ്ങളുടെ പ്രാര്‍ത്ഥനയ്ക്കും യാത്രകള്‍ക്കും കുറുകെ ഗ്രഹങ്ങളുടെ കൈവിരലുകള്‍ പെണ്‍‌കുഞ്ഞുങ്ങളെ നടക്കാന്‍ പഠിപ്പിക്കുന്നുണ്ട് മകളേയെന്ന് പെണ്‍‌കുഞ്ഞുങ്ങളെ മാറത്തടക്കുകയാണ് ഞാന്‍ നസീര്‍ കടിക്കാടിന്റെ ബ്ലോഗ്>> സംക്രമണം>> നസീര്‍